Ἁγνὴ Παρθένε О Чистая Дева

Ἁγνὴ Παρθένε Δέσποινα,
Ἄχραντε Θεοτόκε, — R: Χαῖρε νύμφη ἀνύμφευτε.
Παρθὲνε μὴτηρ ἄνασσα,
Πανένδροσέ τε πόκε. R.

Ὑψηλοτέρα οὐρανῶν.
Ἀκτίνων λαμπροτέρα, R.
Χαρὰ παρθενικῶν χορῶν.
Ἀγγέλων ὑπερτέρα. R.

Ἐκλαμπροτέρα οὐρανῶν,
Φωτὸς καθαρωτέρα, R.
Τῶν οὐρανίων στρατιῶν,
Πασῶν ἁγιωτέρα. R.

—

Μαρία ἀειπάρθενε.
Κόσμου παντὸς Κυρία, R.
Ἄχραντε νύμφη πάναγνε,
Δέσποινα Παναγία. R.

Μαρία νύμφη ἄνασσα,
Χαρᾶς ἡμῶν αἰτία, R.
Κόρη σεμνή, Βασίλισσα,
Μήτηρ ὑπεραγία. R.

Τιμιωτέρα Χερουβείμ,
Ὑπερενδοξοτέρα, R.
Τῶν ἀσωμάτων Σεραφείμ,
Τῶν θρόνων ὑπερτέρα. R.

—

Χαῖρε τὸ ᾆσμα Χερουβείμ,
Χαῖρε ὕμνος ἀγγέλων, R.
Χαῖρε ᾠδὴ τῶν Σεραφείμ,
Χαρὰ τῶν ἀρχαγγέλων. R.

Χαῖρε εἰρήνη καὶ χαρά,
Λιμὴν τῆς σωτηρίας, R.
Παστὰς τοῦ Λόγου ἱερά,
Ἄνθος τῆς ἀφθαρσίας. R.

Χαῖρε παράδεισε τρυφῆς,
Ζωῆς τε αἰωνίας. R.
Χαῖρε τὸ ξύλον τῆς ζωῆς,
Πηγὴ ἀθανασίας. R.

—

Σὲ ἱκετεύω Δέσποινα,
Σὲ νῦν ἐπικαλοῦμαι. R.
Σὲ δυσωπῶ Παντάνασσα,
Σὴν χάριν ἐξαιτοῦμαι. R.

Κόρη σεμνὴ καὶ ἄσπιλε,
Δέσποινα Παναγία, R.
Θερμῶς ἐπικαλοῦμαί σε,
Ναὲ ἡγιασμένε.

Ἀντιλαβοῦ μου, ρῦσαί με.
Ἀπὸ τοῦ πολεμίουR.
Καὶ κληρονόμον δεῖξόν με.
Ζωῆς τῆς αἰωνίου. R.